Il-Gwida fil-Qosor għall-proċeduri nnegozjati - sottomissjoni ta’ offerti inizjali

(proċeduri nnegozjati u proċedura kompetittiva permezz tan-negozjar mingħajr il-pubblikazzjoni)

Kif tibda

Merħba fl-eSubmission!

L-eSubmission tippermetti li l-operaturi ekonomiċi jwieġbu b’mod elettroniku għall-proċeduri ta’ akkwist tal-UE billi jħejju sottomissjonijiet (jiġifieri, offerti u offerti riveduti) u jissottomettuhom elettronikament b’mod strutturat u sigur.

Din il-Gwida fil-Qosor tapplika għas-sottomissjoni ta’ offerti inizjali fi proċeduri nnegozjati u proċedura kompetittiva permezz tan-negozjar mingħajr il-pubblikazzjoni. F’dawn il-proċeduri, il-kandidati mistiedna biss jistgħu jissottomettu offerta inizjali li l-awtorità kontraenti tista’ titlob li tiġi riveduta ulterjorment f’round ta’ negozjati sussegwenti. Il-Gwidi fil-Qosor għar-round(s) ta’ negozjati sussegwenti kif ukoll il-gwidi għal proċeduri oħra ta’ akkwist jistgħu jiġu kkonsultati fuq il-wiki tal-Akkwist elettroniku tal-Portal Funding & Tenders.

Bħala operatur ekonomiku tkun tista’:

• Iddaħħal it-tweġiba tiegħek għal proċedura mnedija minn istituzzjoni jew korp tal-UE
• Tissottomettiha b’mod sigur
• Tara jew tkompli abbozz li tkun issejvjajt
• Tħassar l-abbozz ta' sottomissjoni
• Tirċievi l-prova tas-sottomissjoni (Submission Receipt)
• Tirtira sottomissjoni qabel l-iskadenza sa meta jistgħu jaslu s-sottomissjonijiet.
• Tirċievi l-prova li rtirajtha (Withdrawal Receipt)

Agħmel mezz li taqra r-Rekwiżiti tas-Sistema.

Tista’ ssibhom fuq il-paġna ta’ quddiem tal-applikazzjoni tal-eSubmission u fit-taqsima tad-dokumenti mehmuża fuq il-paġna tal-Partijiet .

Kif nista’ nikseb għajnuna teknika?

Jekk teħtieġ l-għajnuna tista’ tikkuntattja lit-tim ta’ appoġġ mit-08:00 sat-20:00 CET/CEST.

  ec-funding-tender-service-desk@ec.europa.eu

+32 (0) 229 71063

 It-tim ta’ appoġġ jopera bl-Ingliż biss.

Kif jista’ jkolli aċċess għall-eSubmission?

Dejjem se taċċessa l-eSubmission fil-kuntest ta’ proċedura ta’ akkwist. Għandek issib il-proċeduri ta’ akkwist ippubblikati fuq:

• Il-Portal Funding & Tenders

• L-applikazzjoni TED eTendering

X’għandi bżonn biex nuża l-eSubmission?

Biex tuża l-eSubmission trid tkun irreġistrat fis-servizz tal-awtentikazzjoni tal-utent tal-Kummissjoni Ewropea (EU Login). 

Biex twieġeb għall-proċedura ta’ akkwist ippubblikata fuq il-pjattaforma tal-Akkwist elettroniku tal-UE TED eTendering, għandek bżonn ukoll kont fit-TED eTendering.

Biex tidentifika l-organizzazzjoni tiegħek fis-sottomissjoni elettronika tal-offerti, din trid tkun irreġistrata fir-reġistru tal-organizzazzjonijiet tal-Kummissjoni (ir-Reġistru tal-Parteċipanti) u jrid ikollha PIC (Kodiċi ta’ Identifikazzjoni tal-Parteċipanti). Aktar informazzjoni dwar il-PIC tinsab hawnhekk.  Ir-reġistrazzjoni hija miftuħa għall-organizzazzjonijiet kollha u hija mingħajr ħlas.

EU Login

L-EU Login huwa l-punt tad-dħul li minnu tidħol għal servizzi u/jew sistemi differenti tal-Kummissjoni Ewropea. Jekk għad m'għandekx l-EU Login, tista’ toħloq kont.

Għal aktar informazzjoni, ara l-għajnuna dwar l-EU Login.

It-TED eTendering

It-TED eTendering hija l-pjattaforma tal-Akkwist elettroniku fejn l-istituzzjonijiet u l-korpi tal-UE jippubblikaw is-sejħiet għall-offerti tagħhom.

Int tista’ toħloq kont tal-eTendering billi tuża l-EU Login tiegħek.

Il-Portal Funding & Tenders

Il-Portal Funding & Tenders huwa punt uniku ta’ servizz (Spazju Uniku għall-Iskambju ta’ Data Elettronika) għall-parteċipanti u l-esperti fil-programmi ta’ finanzjament u l-proċeduri tal-offerti mmaniġġjati mill-Kummissjoni Ewropea u korpi oħra tal-UE.

Mill-Portal Funding & Tenders il-parteċipanti jistgħu:

• Ifittxu opportunitajiet fil-programmi ta’ finanzjament jew fil-proċeduri ta’ akkwist tal-UE

• Jirreġistraw fir-Reġistru tal-Parteċipanti 

• Ikollhom aċċess għall-Irċevuti tas-Sottomissjoni (Submission Receipts) (il-prova tas-sottomissjoni)

• Jaraw, jeditjaw jew iħassru l-abbozz tas-sottomissjonijiet.

• Jirtiraw is-sottomissjonijiet u jkollhom aċċess għall-Irċevuta tal-Irtirar (Withdrawal Receipt) (il-prova tal-irtirar).

• Immaniġġja r-Rwoli

Reġistru tal-Parteċipanti

Il-Kummissjoni waqqfet reġistru online tal-organizzazzjonijiet li qed jipparteċipaw fis-sejħa għall-offerti jew fil-proposti tal-UE, sabiex jiġi applikat il-prinċipju ta’ “darba biss”: id-data relatata mal-ħtiġijiet ta’ organizzazzjoni tal-parteċipant trid tiġi sottomessa darba biss.  Wara r-reġistrazzjoni, kull organizzazzjoni jkollha Kodiċi ta’ Identifikazzjoni tal-Parteċipant uniku (PIC, Participant Identification Code). Biex titgħallem dwar kif takkwista PIC fir-Reġistru tal-Parteċipanti, jekk jogħġbok irreferi għal din il-paġna.

Kif tħejji l-offerta tiegħek fl-eSubmission

Fil-proċeduri nnegozjati jew fil-proċeduri kompetittivi permezz tan-negozjar mingħajr il-pubblikazzjoni, il-kandidati mistiedna biss jistgħu jissottomettu offerta.

Jekk tkun intgħażilt mill-awtorità kontraenti, tirċievi notifika mit-TED eTendering li tistiednek biex tivvalida l-aċċess tiegħek għad-dokumenti tal-akkwist u biex tissottometti offerta.

In-notifika tintbagħat fl-email tal-organizzazzjoni tiegħek li l-awtorità kontraenti tkun identifikat fil-fażi ta’ tħejjija tal-proċedura.

In-notifiki jistgħu jiġu aċċessati wkoll mit-taqsima My messages tat-TED eTendering.

Biex tivvalida l-aċċess tiegħek għad-dokumenti tal-akkwist trid tikklikkja fuq il-link fin-notifika.  Il-link tieħdok fil-paġna tas-sejħa għall-offerti fit-TED eTendering fejn se ssib il-buttuna Issottometti offerta . 

Fl-eSubmission ikklikkja Sottomissjoni ġdida (New submission) biex tibda sottomissjoni ġdida, jew Kompli l-abbozz (Resume draft) biex tkompli abbozz ta' sottomissjoni li tkun diġà bdejt. Tista’ wkoll tkompli l-abbozz tiegħek mill-Portal Funding & Tenders (għal aktar informazzjoni, ara t-taqsima Immaniġġja s-sottomissjonijiet (Manage submissions) fil-Portal Funding & Tenders f’din il-gwida).

It-tiftix fl-eSubmission

Meta tibda s-sottomissjoni tiegħek tara linja ta’ progress fin-naħa ta’ fuq tal-iskrin. Din il-linja turi l-passi kollha li trid tgħaddi minnhom qabel ma tissottometti l-offerta tiegħek. Tista’ tara wkoll f’liema pass tinsab bħalissa.

Fi kwalunkwe ħin waqt il-proċedura ta’ sottomissjoni, dejjem tista’ tiċċekkja liema huma d-dokumenti li int applowdjajt billi tikklikkja l-buttuna Dokumenti ta’ sottomissjoni fuq ix-xellug tal-iskrin.

Xejn ma jiġi sottomess lill-awtorità kontraenti ħlief meta tikklikkja l-buttuna Issottometti fi tmiem il-proċess ta’ sottomissjoni.

Modi ta’ sottomissjoni

Meta toħloq sottomissjoni ġdida, int tintalab tindika:

• kif se tissottometti l-offerta tiegħek: Sottomissjoni unika jew Sottomissjoni konġunta (Joint submission),
• jekk is-sottomissjoni hix se tinvolvi sottokuntrattar,
• b’liema lingwa se titħejja s-sottomissjoni.

Wara li tkun għamilt l-għażla tiegħek, ikklikkja l-buttuna Next f’qiegħ il-paġna.

Partijiet

F’din it-taqsima trid tidentifika l-organizzazzjonijiet li qed jipparteċipaw fis-sottomissjoni tiegħek (il-parteċipanti).  Ikklikkja Parti ġdida (New Party) u agħżel it-tip ta’ parteċipant: parteċipant prinċipali (fil-każ ta’ Sottomissjoni unika (Sole submission), kap tal-grupp jew membru tal-grupp (fil-każ ta’ Sottomissjoni konġunta (Joint submission)) u sottokuntrattur (jekk applikabbli).

Il-parteċipanti kollha, ħlief is-sottokuntratturi, għandhom jiġu identifikati b’PIC – Kodiċi ta’ Identifikazzjoni tal-Parteċipanti. Sabiex tivverifika jekk entità hux ġa tiddisponi minn PIC (jiġifieri diġà hija rreġistrata fir-Reġistru tal-Parteċipanti), uża l-buttuna Fittex (Search). Tista’ tfittex permezz tal-PIC, tan-numru tal-VAT, tan-numru tar-Reġistru Nazzjonali u l-pajjiż. Biex tkun tista’ tfittex permezz tan-numru tal-VAT jew bin-numru tar-Reġistru Nazzjonali, għandek bżonn ukoll tagħżel il-pajjiż.

Jekk it-tiftixa ma tagħti l-ebda riżultat, l-organizzazzjoni trid tirreġistra biex tikseb PIC.  Wara li takkwista l-PIC, mur lura għall-eSubmission, fittex permezz tal-PIC, u agħżel l-organizzazzjoni murija.

Id-data assoċjata mal-PIC tar-Reġistru tal-Parteċipanti tidher fuq l-iskrin u int tintalab tagħti din id-data obbligatorja/dawn id-dokumenti obbligatorji li ġejjin:

• għall-Parteċipant prinċipali jew għall-Kap tal-grupp:
• Persuna ta’ Kuntatt (Contact Person) (l-isem u l-indirizz tal-email)
• IBAN/Numru tal-kont tal-bank
• għall-parteċipanti kollha: Dikjarazzjoni fuq l-unur (mimlija u ffirmata kif dovut) fit-taqsima tad-dokumenti mehmużin.

Iċċekkja l-ispeċifikazzjonijiet tal-offerta biex tidentifika d-dokumenti li huma meħtieġa għas-sottomissjoni.

Fit-taqsima Persuna ta’ Kuntatt (Contact Person), l-utent jista’ jindika lilu nnifsu (l-isem huwa diġà mimli bil-lest) jew persuna oħra bħala l-persuna ta’ kuntatt għall-offerta. Il-Persuna ta’ Kuntatt tirċievi r-rwol ta’ Primary Coordinator Contact (PCoCo) fil-Portal Funding & Tenders u l-utent li jissottometti l-offerta (jekk differenti mill-Persuna ta’ Kuntatt) - ir-rwol ta’ Coordinator Contact (CoCo). 

Jekk il-PCoCo ma jkollux kont tal-EU Login, jinħoloq awtomatikament kont temporanju tal-EU Login abbażi tal-indirizz tal-email tal-Persuna ta’ Kuntatt (Contact Person) u l-persuna tiġi mistiedna bl-email biex timla r-reġistrazzjoni tal-EU Login. L-istedina se tkun permezz ta’ messaġġ awtomatiku tas-sistema mingħajr l-ebda referenza għall-proċedura.

Fit-taqsima Dokumenti Mehmużin ta’ kull parteċipant tista’ tapplowdja d-dokumenti tal-parteċipant relatati mal-kriterji tal-esklużjoni u tal-għażla. Iċċekkja l-ispeċifikazzjonijiet tal-offerta biex tidentifika liema dokumenti għal liema parteċipant iridu jiġu inklużi fis-sottomissjoni.

Ikklikkja Lest meta tkun lest. 

Ladarba tgħaddi l-pass “Modi kif tissottometti”, ma jkunx aktar possibbli li tibdel l-istruttura minn Sottomissjoni konġunta (Joint submission) għal Sottomissjoni unika (Sole submission) jew viċi versa. F’każ li tkun trid timmodifika l-istruttura tas-sottomissjoni tiegħek jew tibdel il-Kap tal-Grupp, trid toħloq sottomissjoni ġdida li tissostitwixxi l-abbozz tas-sottomissjoni tiegħek (id-data mdaħħla u d-dokumenti applowdjati qabel jitħassru kollha).

Ikklikkja Li jmiss biex tgħaddi għall-pass li jmiss.

Lottijiet

Fi proċedura b’diversi lottijiet, agħżel il-lott(ijiet) li għalih(om) tixtieq titfa’ offerta, imbagħad ikklikkja l-buttuna Li jmiss .  

L-identifikazzjoni tal-parteċipanti tapplika għas-sottomissjoni kollha kemm hi. Għaldaqstant, jekk il-kompożizzjoni tal-konsorzju tkun differenti għal kull lott, ikun hemm bżonn li ssir sottomissjoni separata għal kull wieħed.

Id-data dwar l-Offerta

F’din it-taqsima trid iddaħħal l-ammont tal-offerta tiegħek (fil-każ biss tal-irħas spiża jew tal-metodu tal-għoti tal-orħos prezz - kun ċert li tuża l-istess format bħal fl-eżempju fuq l-iskrin) u/jew tikkonferma jekk l-offerta tiegħek tikkonformax jew le mar-rekwiżiti minimi speċifikati fid-dokumenti tal-akkwist.

Jekk tikkonferma li l-offerta tiegħek ma tikkonformax mar-rekwiżiti minimi se tintalab tipprovdi spjegazzjoni f’kaxxa apposta għall-kummenti. Il-konferma tal-konformità jew tan-nuqqas ta’ konformità u l-ispjegazzjoni f’każ ta’ nuqqas ta’ konformità jintwerew fir-rapport ta’ sottomissjoni.

Wara li tikklikkja l-buttuna Issejvja tista’ tapplowdja l-offerta finanzjarja u, jekk meħtieġ mill-awtorità kontraenti, l-offerta teknika. Tista’ tapplowdja aktar minn file wieħed bħala offerta teknika/finanzjarja. 

Ġaladarba tqis li d-data tal-offerta hija korretta u li s-sottomissjoni hija lesta, ikklikkja Li jmiss. Il-buttuna se tkun attiva biss jekk ikunu ġew ipprovduti d-data u d-dokumenti obbligatorji kollha.

F’dan l-istadju, l-abbozz tal-offerta tiegħek, inklużi d-dokumenti kollha tiegħek, għadhom ma ġewx sottomessi.

Rapport ta’ sottomissjoni

Ir-rapport ta’ sottomissjoni huwa ġġenerat mis-sistema u huwa parti mis-sottomissjoni. Ir-rapport jelenka d-dokumenti kollha inklużi fis-sottomissjoni.

L-eSubmission awtomatikament tiġġenera u żżid ir-rapport ta’ sottomissjoni mas-sottomissjoni tiegħek. Tista’ tikkonsulta r-rapport fuq l-iskrin jew tista’ tiddawnlowdjah bħala kopja għalik (qabel ma tissottometti l-offerta). M’għandekx għalfejn tiffirma u tapplowdja r-rapport iffirmat fl-eSubmission.

Wara li tara r-rapport ta’ sottomissjoni, jekk tqis li s-sottomissjoni hija lesta u tajba biex tiġi ppreżentata kklikkja Li jmiss biex tkompli.

Ir-rapport ta’ sottomissjoni mhux prova tas-sottomissjoni. Għadek  m'għamiltx is-sottomissjoni. Jekk jogħġbok ipproċedi għall-pass li jmiss u kklikkja Submit  biex tiffinalizza s-sottomissjoni.

Issottometti l-offerta tiegħek

Meta tkun lest biex tissottometti l-offerta tiegħek, ikklikkja Issottometti . Is-sistema se turi messaġġ ta’ konferma.

Ikklikkja Iva jekk trid tikkonferma li: mhux se tkun tista’ tkompli timmodifika din is-sottomissjoni.

Jekk jogħġbok innota li s-sistema mhux se tippermettilek tagħmel sottomissjonijiet jekk tiskadi l-iskadenza ta’ meta jistgħu jaslu s-sottomissjonijiet.

Se tintbagħat notifika bl-email fl-indirizz tal-email tal-PCoCo/CoCo. Din in-notifika bl-email jkollha link għall-Portal Funding & Tenders, fejn il-PCoCo/CoCo   jista’ jsib l-Irċevuta tas-Sottomissjoni. Innota li s-sidien tal-PIC użati fis-sottomissjoni se jkunu infurmati.

L-Irċevuta tas-Sottomissjoni (Submission Receipt) hija l-prova tal-konformità mal-iskadenza ta’ meta jistgħu jaslu s-sottomissjonijiet.

Immaniġġja r-Rwoli fil-Portal Funding & Tenders Portal

Il-Persuna ta’ Kuntatt (Contact Person) indikata fl-eSubmission tirċievi r-rwol ta’ Koordinatur Primarju ta’ Kuntatt (Primary Coordinator Contact)  (PCoCo) għas-sottomissjoni tal-offerta inizjali fil-Portal Funding & Tenders. Jista’ jkun hemm biss Koordinatur Primarju ta’ Kuntatt (Primary Coordinator Contact) wieħed għal kull sottomissjoni.

Il-PCoCo ma jistax jinbidel permezz tal-Portal. Ikkuntattja lill-awtorità kontraenti jekk ikun meħtieġ li jinħatar PCoCo ġdid.

L-utent li jissottometti l-offerta inizjali (jekk differenti mill-Persuna ta’ Kuntatt) jirċievi r-rwol ta’ Coordinator Contact (CoCo).

Il-Coordinator Contact(s) (CoCo) addizzjonali jistgħu jiżdiedu jew jitneħħew fil-Portal Funding & Tenders wara li l-awtorità kontraenti tiftaħ l-offerti inizjali u (jekk applikabbli) qabel tistieden lill-offerent jissottometti offerta riveduta:

• Fid-dropdown tal-Action fuq il-lemin tas-sottomissjoni tal-offerta inizjali, ikklikkja fuq l-opzjoni   Immaniġġja r-Rwoli (Manage Roles) . Din l-opzjoni se tidher biss wara li l-awtorità kontraenti tkun fetħet l-offerti inizjali.

• Ikklikkja   Editja r-Rwoli (Edit Roles)  .

• Biex iżżid CoCo ġdid ikklikkja l-buttuna Żid r-rwoli (Add Roles).

Biex tħassar CoCo, ikklikkja l-ikona tat-tħassir ħdejn isimhom.

• Żid id-dettalji tal-persuna li trid tiżided bħala CoCo u kklikkja l-buttuna Ok  .

  Il-CoCos miżjudin kif deskritt hawn fuq wara li l-awtorità kontraenti tkun bagħtet stedina lill-offerent biex jissottometti offerta riveduta permezz tal-Portal ma jkunux jistgħu jissottomettu l-offerta riveduta. Il-PCoCo/CoCos biss li rċevew l-istedina jew il-CoCos li żdiedu permezz tal-buttuna ta’ azzjoni “Immaniġġja r-Rwoli” (Manage Roles) fuq l-istedina se jkunu jistgħu jissottomettu offerta riveduta (ara l-Gwida fil-Qosor għall-proċeduri nnegozjati – round 2 /round(s) sussegwenti).

Immaniġġja s-sottomissjonijiet fil-Portal Funding & Tenders

Biex tidħol fil-qasam privat tiegħek tal-Portal Funding & Tenders trid tawtentika lilek innifsek billi tuża l-buttuna Login tal-Portal Funding & Tenders fin-naħa ta’ fuq tal-lemin tal-paġna ewlenija (daħħal il-EU Login u l-password tiegħek).

Ara s-sottomissjonijiet (View submissions)

Taħt it-taqsima Immaniġġju l-ispazju tiegħi (Manage my area) fuq ix-xellug il-PCoCo/CoCo se jsib it-talba/talbiet għall-parteċipazzjoni taħt it-taqsima Is-sottomissjonijiet tiegħi (My Submission(s)) .
Hemm ukoll disponibbli qasam ta’ tiftix fuq il-lemin fuq il-lista ta’ sottomissjonijiet.

It-taqsima Is-sottomissjonijiet tiegħi (My Submission(s))

Għal kull sottomissjoni il-PCoCo/CoCo jkun jista’ jara n-numru ta’ referenza tal-proċedura, l-ID tas-sottomissjoni, id-data tal-aħħar azzjoni mwettqa u l-istat tas-sottomissjoni (abbozz, sottomessa, irtirata, imħassra), il-lott (jekk applikabbli), l-iskadenza, it-titlu tal-proċedura, it-tip ta’ proċedura u f’liema round qiegħda.

Il-menù Action fuq il-lemin ta’ kull sottomissjoni (sakemm is-sottomissjoni ma tkunx tħassret) jippermetti lill-PCoCo/CoCo   jwettaq azzjonijiet differenti skont l-istatus tas-sottomissjoni.

Għas-sottomissjonijiet li l-istat hu Abbozz (Draft):

• Editja (Edit): L-eSubmission tiftaħ l-iskrin li kont fih meta ħriġt mill-applikazzjoni. Issa tista’ teditja s-sottomissjoni tiegħek fl-eSubmission.
• Ara (View): l-eSubmission tiftaħ l-iskrin li kont fih meta ħriġt mill-applikazzjoni. Mhux possibbli teditja s-sottomissjoni jekk tkun qed taraha fil-modalità li tista’ tinqara biss. 
• Ħassar (Delete):  l-abbozz tas-sottomissjoni se jitħassar mill-Portal Funding & Tenders.
  
  

Għas-sottomissjonijiet li l-istat hu Sottomessi (Submitted):

• Ara l-Irċevuta (View Receipt): tara l-irċevuta tas-sottomissjoni.
• Irtira (Withdraw) (disponibbli biss qabel id-data tal-iskadenza għas-sottomissjoni):  agħti r-raġuni l-għaliex tixtieq tirtira s-sottomissjoni u kkonfermaha billi tikklikkja l-buttuna Irtira (Withdraw). Ladarba tkun irtirajt is-sottomissjoni, ma tkunx tista’ taraha, teditjaha jew terġa’ tissottomettiha.
  
  

Għas-sottomissjonijiet li l-istat hu Irtirati (Withdrawn):

• Ara l-irċevuta tal-irtirar (View Withdrawal Receipt): tara l-irċevuta tal-irtirar.
  
  

Għas-sottomissjonijiet li l-istat hu Deleted:

Il-menù Action mhux disponibbli għall-offerti bl-istatus Imħassra (Deleted). Ladarba abbozz ta’ offerta jitħassar, dan ma jkunx jista’ jiġi rkuprat mill-offerent. 

Immaniġġja n-notifiki fil-Portal Funding & Tenders

In-notifiki tiegħi (My notifications)

Il-PCoCo/CoCo jista’ jaċċessa din il-paġna billi jikklikkja l-ikona bil-qanpiena fin-naħa ta’ fuq tal-lemin tal-iskrin wara li jkun illoggja fil-Portal Funding & Tenders.

F’din il-paġna l-PCoCo/CoCo  jista’ jsib in-notifiki li ġejjin:

• L-Irċevuta tas-Sottomissjoni (Submission Receipt) (il-prova li ġiet sottomessa offerta)
• L-Irċevuta tal-Irtirar (Withdrawal Receipt) (il-prova li ġiet irtirata offerta)

Fit-tab Preferenzi (Preferences) taħt Immaniġġja n-notifiki kollha (Manage all notifications) (fil-qiegħ tal-lista tan-notifiki) il-PCoCo/CoCo jista’ jagħżel il-frekwenza tan-notifiki bl-email mill-Portal Funding & Tenders . Indipendentement mill-għażla tiegħek, in-notifiki kollha tiegħek huma dejjem disponibbli fit-taqsima In-notifiki tiegħi (My notifications) .

In-notifika/i formali tiegħi (My Formal Notification(s))

Din it-taqsima, disponibbli taħt Immaniġja l-ispazju tiegħi (Manage my area) fuq ix-xellug, bħalissa mhix qed tintuża għall-proċeduri ta’ akkwist.